KUCHING: Perengka pengerara api patut diperesa setaun sekali ngambika tau nentuka perengka nya ulih dikena maya penusah angus nyadi.
Nitihka penerang Kepala Balai Bomba Batu Lintang Mohd Azlee Mohd Arus, 5 persin ari penyampau 1,439 perengka pengerara api ke diperesa bedau lama tu tadi ba kandang endur nya ditemu rusak.
“Kos ngemanah perengka pengerara api bepanggai ba tikas pengerusak. Kos masang aja entara RM3,000 nyentukka RM4,000.
“Pengerusak nya ketegal dipejaika sekeda raban mensia ke nadai beradat sereta ngenchuri sekeda perengka pengerara nya,” ku iya lebuh dikerandau pemberita maya program nyeliahka penusah angus ke diatur ba Kampung Muda Hashim, ditu kemari.
Program ke diatur Komiti Pengelikun enggau Pemansang Genturung Pendiau (JKKK) Kampung Muda Hashim, begulai enggau opis Bomba dipenyadika kaban parlimen Petra Jaya Datuk Fadillah Yusuf.
Rayat ba genturung pendiau nya diberi latih senentang chara ke betul bekena perengka penyerara api maya napi penusah angus.
Program tu mega diatur enggau juluk meri pemeri ati ngagai raban apai indai ngambika seruran mantau pengawa raban anak sereta nagang sida iya ngaga kangau bula nengah talipun ngagai Bomba.
Ku Azlee, mensia mayuh diperansang nyadi raban ‘Rakan Pemadam Api’ ba genturung pendiau nya ngambika sida tau nyaup meri riput senentang pengerusak perengka penyerarar api ke bisi disediaka ba rumah.
“Orang ke masuk ‘Rakan Pemadam Api’ megai tanggung pengawa ngeriput sebarang pengerusak perengka penyerara api ba kandang endur sida iya.
“Kitai deka meri latih senentang chara nemu pengerusak perengka nya kelimpah arika meri sida iya sijil,”ku iya.
Naka ke diatu , Batu Lintang ngembuan 130 iku raban penyerara api lalu penyampau nya deka ditambah ngagai 160 iku taun tu..
Pengawa ngerijister tau digaga nengah laman web www.bombaswk.gov.my
Ba pengerami nya, Fadillah ngelalau mensia mayuh seruran meresa atur sambung wayar letrik ba rumah ke tau nyeliah ari dituntung penusah angus.
“Orang ke bempu rumah, kelebih agi ke diau ba kampung patut meresa atur sambung wayar rumah laban mayuh rumah dipeda udah chukup tuai lalu pengawa tu ulih nyeliah penusah angus nyadi,”ku iya.
Nitihka penerang Kepala Balai Bomba Batu Lintang Mohd Azlee Mohd Arus, 5 persin ari penyampau 1,439 perengka pengerara api ke diperesa bedau lama tu tadi ba kandang endur nya ditemu rusak.
“Kos ngemanah perengka pengerara api bepanggai ba tikas pengerusak. Kos masang aja entara RM3,000 nyentukka RM4,000.
“Pengerusak nya ketegal dipejaika sekeda raban mensia ke nadai beradat sereta ngenchuri sekeda perengka pengerara nya,” ku iya lebuh dikerandau pemberita maya program nyeliahka penusah angus ke diatur ba Kampung Muda Hashim, ditu kemari.
Program ke diatur Komiti Pengelikun enggau Pemansang Genturung Pendiau (JKKK) Kampung Muda Hashim, begulai enggau opis Bomba dipenyadika kaban parlimen Petra Jaya Datuk Fadillah Yusuf.
Rayat ba genturung pendiau nya diberi latih senentang chara ke betul bekena perengka penyerara api maya napi penusah angus.
Program tu mega diatur enggau juluk meri pemeri ati ngagai raban apai indai ngambika seruran mantau pengawa raban anak sereta nagang sida iya ngaga kangau bula nengah talipun ngagai Bomba.
Ku Azlee, mensia mayuh diperansang nyadi raban ‘Rakan Pemadam Api’ ba genturung pendiau nya ngambika sida tau nyaup meri riput senentang pengerusak perengka penyerarar api ke bisi disediaka ba rumah.
“Orang ke masuk ‘Rakan Pemadam Api’ megai tanggung pengawa ngeriput sebarang pengerusak perengka penyerara api ba kandang endur sida iya.
“Kitai deka meri latih senentang chara nemu pengerusak perengka nya kelimpah arika meri sida iya sijil,”ku iya.
Naka ke diatu , Batu Lintang ngembuan 130 iku raban penyerara api lalu penyampau nya deka ditambah ngagai 160 iku taun tu..
Pengawa ngerijister tau digaga nengah laman web www.bombaswk.gov.my
Ba pengerami nya, Fadillah ngelalau mensia mayuh seruran meresa atur sambung wayar letrik ba rumah ke tau nyeliah ari dituntung penusah angus.
“Orang ke bempu rumah, kelebih agi ke diau ba kampung patut meresa atur sambung wayar rumah laban mayuh rumah dipeda udah chukup tuai lalu pengawa tu ulih nyeliah penusah angus nyadi,”ku iya.