KOTA KINABALU: Sabaagi haang momodimpot kakadazan tagazo aiso sampa, mogisusuvai haang pinapanau do Dewan Bandaraya Kota Kinabalu (DBKK) montok papatantu do iho kahantoi.
Pinongintongan Utusan Borneo id posoihi tamu koovion minggu Lahan Gaya koniab nokoiho koizonon dino kakaal id koozuvon atamangan, nga kivaa vookon tuhun ih kakaal au momoguno do tong sampa ih pinosodia miampai tavavasi.
Ang Nga Mun, 21, minoboos nasantaban ginavo disido miampai gontob kobolisian id tamu dino nokomoi sabap mintong potitikid gerai ih kivaa id pasar dino poposodia do bakul sampa montok papasanang do momomohi ih koikot id gerai dosido papataam sampa.
“Kogiginovoo aanangan papataam sampa id nombo noopo diti mositi do pataamon mantad suang tinan potitikid tuhun tu kabaakasan kakadazan kaanu manamong om nogi kaanu momohiad mantad olorian toluo.
“Nung mimang apasi id koozuvon ih obolisi om ohidas, tinan sondii mositi ia’on om iho tumimimpuun mantad hamin miampai poposodia do tong sampa om okon posumpakon montok pomogingo noopo,” ka disido.
Namot dino, Jasrin Bandau, 33, kipomusaavan guno tong sampa id tamu dino mimang gunoon tavavasi di tuhun ginumuan sundung pia kivaa vookon tuhun ih kakaal papataam sampa okon ko id tampat pataaman sampa.
“Pisokodungan piahatan moniaga om momomohi apatut kivaa montok momoguno do potitikid tong sampa ih nokosodia no montok mintamong kobolisian kakadazan songovian, hoohobi vagu ontok timpu kouvaan diti.
“Id tamu diti okon nopo tuhun ngavi kinoizonon ih koikot nga tutumombuhui koikot nogi id pasar, dadi zotokou mositi manak pongintangan kobolisian miampai poposodia do hobi ogumu tong sampa montok papasanang do tuhun ngavi do papataam sampa,” ka vagu disido.
Toinsanan tinan montok momomohi naku toi tuhun ginumuan ih koikot mositi do songovian ngavi momoguno do tavavasi tong sampa ih pinosodia do DBKK montok momodimpot koikonon kakadazan obolisi poompus timpu.
Pinongintongan Utusan Borneo id posoihi tamu koovion minggu Lahan Gaya koniab nokoiho koizonon dino kakaal id koozuvon atamangan, nga kivaa vookon tuhun ih kakaal au momoguno do tong sampa ih pinosodia miampai tavavasi.
Ang Nga Mun, 21, minoboos nasantaban ginavo disido miampai gontob kobolisian id tamu dino nokomoi sabap mintong potitikid gerai ih kivaa id pasar dino poposodia do bakul sampa montok papasanang do momomohi ih koikot id gerai dosido papataam sampa.
“Kogiginovoo aanangan papataam sampa id nombo noopo diti mositi do pataamon mantad suang tinan potitikid tuhun tu kabaakasan kakadazan kaanu manamong om nogi kaanu momohiad mantad olorian toluo.
“Nung mimang apasi id koozuvon ih obolisi om ohidas, tinan sondii mositi ia’on om iho tumimimpuun mantad hamin miampai poposodia do tong sampa om okon posumpakon montok pomogingo noopo,” ka disido.
Namot dino, Jasrin Bandau, 33, kipomusaavan guno tong sampa id tamu dino mimang gunoon tavavasi di tuhun ginumuan sundung pia kivaa vookon tuhun ih kakaal papataam sampa okon ko id tampat pataaman sampa.
“Pisokodungan piahatan moniaga om momomohi apatut kivaa montok momoguno do potitikid tong sampa ih nokosodia no montok mintamong kobolisian kakadazan songovian, hoohobi vagu ontok timpu kouvaan diti.
“Id tamu diti okon nopo tuhun ngavi kinoizonon ih koikot nga tutumombuhui koikot nogi id pasar, dadi zotokou mositi manak pongintangan kobolisian miampai poposodia do hobi ogumu tong sampa montok papasanang do tuhun ngavi do papataam sampa,” ka vagu disido.
Toinsanan tinan montok momomohi naku toi tuhun ginumuan ih koikot mositi do songovian ngavi momoguno do tavavasi tong sampa ih pinosodia do DBKK montok momodimpot koikonon kakadazan obolisi poompus timpu.
