Bantu nya mungkur semua orang ti patut nerima enda ngira bansa, pengarap enggau jalai politik, ku Yong
KUCHING: Sapit Menteri Kerja Raya Datuk Yong Khoon Seng madahka Bantu Rayat 1Malaysia (BR1M) enda patut dipolitikka laban bantu nya mungkur semua orang ti patut nerima enda ngira bansa ,pengarap enggau jalai politik.
Iya ngarapka rayat ngembuan pengeliat ati nganti bantu nya sereta enda muntang kena panjuk enggau jaku umbuk ti enda manah.
“Aku minta rayat liat ati nganti bantu nya, enti nyema amat bisi orang ti ngumbuk enda ngasuh ngundi (perintah Barisan Nasional), ba aku pekara tu enda patut bisi nyadi.
“Tu (BR1M) enda patut dipolitikka laban nya ukai ke tuju politik, bantu nya dikena mantu semua rayat ke patut nerima,” ku iya ke nyadi Kaban Parlimen (MP) Stampin.
Yong dulu ari nya nyuaka baucher BR1M ngagai penerima ba sitak Batu Lintang ti bisi 404 ba lis renggat keterubah enggau 65 penerima dalam lis renggat kedua ti diatur ba Indu Opis SUPP ditu, pagi kemari.
Berebak enggau tu iya madahka renggat ketiga deka diatur enda lama agi, lalu semua penerima deka dianjung surat ti bisi dipadahka dini endur sereta maya pengerami nyuaka baucher nya diatur.
“Nitihka penerang, renggat ketiga nyuaka baucher BR1M deka diatur 22 enggau 23 Februari, ba Dewan Suarah. Kitai ngiga palan ti besai ngambika raban penerima berasai lantang.
Lebuh ditanya bekaul enggau sekeda penerima ti laun nerima surat, Yong madahka nya bisi penanggul ba logistik.
Iya mega madahka nadai patut sekeda orang nyalahka pengari rayat senentang penerima ti enda nerima ke betul, laban nya diatur Opis Pengumpul Chukui Dalam Nengeri (LHDN) enggau Opis Residen.
Nya alai, penerang pasal BR1M patut chakah agi dipejalaika ngagai mensia mayuh nyengkaum nengah radio sereta surat kabar.
“Aku nadai lis nama penerima nya, nama tau dichek enggau LHDN. Udah tu (renggat ketiga) kitai minta sida tuai ari pampang Parti Sa’ati Rayat Sarawak (SUPP) ngechik nama penerima, lalu nesau sida (penerima),” ku iya.
Nambahka nya Yong madahka, nyentukka ensanus bisi 78,000 iku penerima bagi menua Kuching udah nerima duit BR1M.
Bantu diberi enggau bererenggat, ambika banding kemari (ennsanus) ungkup sitak Batu Kawa, seharitu (kemari) ke sitak Batu Lintang enggau pagila (seharitu) bagi penerima sitak Kota Santosa, ku iya.
Sama nyempulang Yong ba pengerami nyuaka baucher nya kemari Residen bagi menua Kuching Abdul Rahman Sebli Senusi, Sapit Residen Zamahari Saidi, Sekretari Besai SUPP Prof. Dr, Sim Kui Hian sereta Chairman SUPP Pampang Batu Lintang.
KUCHING: Sapit Menteri Kerja Raya Datuk Yong Khoon Seng madahka Bantu Rayat 1Malaysia (BR1M) enda patut dipolitikka laban bantu nya mungkur semua orang ti patut nerima enda ngira bansa ,pengarap enggau jalai politik.
Iya ngarapka rayat ngembuan pengeliat ati nganti bantu nya sereta enda muntang kena panjuk enggau jaku umbuk ti enda manah.
“Aku minta rayat liat ati nganti bantu nya, enti nyema amat bisi orang ti ngumbuk enda ngasuh ngundi (perintah Barisan Nasional), ba aku pekara tu enda patut bisi nyadi.
“Tu (BR1M) enda patut dipolitikka laban nya ukai ke tuju politik, bantu nya dikena mantu semua rayat ke patut nerima,” ku iya ke nyadi Kaban Parlimen (MP) Stampin.
Yong dulu ari nya nyuaka baucher BR1M ngagai penerima ba sitak Batu Lintang ti bisi 404 ba lis renggat keterubah enggau 65 penerima dalam lis renggat kedua ti diatur ba Indu Opis SUPP ditu, pagi kemari.
Berebak enggau tu iya madahka renggat ketiga deka diatur enda lama agi, lalu semua penerima deka dianjung surat ti bisi dipadahka dini endur sereta maya pengerami nyuaka baucher nya diatur.
“Nitihka penerang, renggat ketiga nyuaka baucher BR1M deka diatur 22 enggau 23 Februari, ba Dewan Suarah. Kitai ngiga palan ti besai ngambika raban penerima berasai lantang.
Lebuh ditanya bekaul enggau sekeda penerima ti laun nerima surat, Yong madahka nya bisi penanggul ba logistik.
Iya mega madahka nadai patut sekeda orang nyalahka pengari rayat senentang penerima ti enda nerima ke betul, laban nya diatur Opis Pengumpul Chukui Dalam Nengeri (LHDN) enggau Opis Residen.
Nya alai, penerang pasal BR1M patut chakah agi dipejalaika ngagai mensia mayuh nyengkaum nengah radio sereta surat kabar.
“Aku nadai lis nama penerima nya, nama tau dichek enggau LHDN. Udah tu (renggat ketiga) kitai minta sida tuai ari pampang Parti Sa’ati Rayat Sarawak (SUPP) ngechik nama penerima, lalu nesau sida (penerima),” ku iya.
Nambahka nya Yong madahka, nyentukka ensanus bisi 78,000 iku penerima bagi menua Kuching udah nerima duit BR1M.
Bantu diberi enggau bererenggat, ambika banding kemari (ennsanus) ungkup sitak Batu Kawa, seharitu (kemari) ke sitak Batu Lintang enggau pagila (seharitu) bagi penerima sitak Kota Santosa, ku iya.
Sama nyempulang Yong ba pengerami nyuaka baucher nya kemari Residen bagi menua Kuching Abdul Rahman Sebli Senusi, Sapit Residen Zamahari Saidi, Sekretari Besai SUPP Prof. Dr, Sim Kui Hian sereta Chairman SUPP Pampang Batu Lintang.
