KUCHING: Perambu ngaga jalai nyambung sekula SJK Chung Hua Beliong, Asajaya enggau kampung ke besemak enggau sekula nya ukai pemerat diperatika maya diatu sereta pengawa nya mega ukai penentu pemayuh nembiak ke deka masuk besekula dia.
Menteri Pengintu Pengelantang, Orang Indu enggau Pemansang Ruang Bilik Datuk Fatimah Abdullah madah, kebuah iya baka nya laban orang ke diau besemak enggau sekula nya sida ke ari raban bansa Bumiputera.
“Enti diperatika, Sekolah Jenis Kebangsaan (SJK) China, mayuh ari sekula nya nyengkaum ba sitak aku empu di Dalat, penyampau nembiak sekula tau dikumbai Sekula ke Kurang Nembiak (SKM) laban penyampau nembiak kurang ari 150 iku,” ku iya.
Iya bejaku munyi nya lebuh dikerandau pemberita sepengudah bejadika Kos Pengajar Permata Menua Siri 2 Tahun 2012 ditu, kemari.
Iya nambah, enti sema penyampau nembiak sekula ba sekula nya enda mayuh, sigi nadai kelas digaga agi.
“Atur ke manah iya nya besaum enggau sekula bukai ngambika nyamai meri bantu sereta ngemanahka agi perengka guna ba sekula nya,” ku iya.
Iya madah, apai indai ke diau ba menua nya bisi pilih ati enti sida iya deka nganjung anak sida iya ngagai sekula nya tauka enda.
“Kami enda ulih mejal sida iya. Apai indai bisi pilih nganjung anak sida iya ngagai ni bagi sekula ti ku ati,” ku iya.
Sebedau tu, kepala pengajar sekula nya madahka sigi bisi penanggul ditapi lebuh nembiak sekula taun satu masuk ngagai sekula ketegal sekula nya di seberai sungai.
Sekula nya semina ulih dilawa nengah ai.
Menteri Pengintu Pengelantang, Orang Indu enggau Pemansang Ruang Bilik Datuk Fatimah Abdullah madah, kebuah iya baka nya laban orang ke diau besemak enggau sekula nya sida ke ari raban bansa Bumiputera.
“Enti diperatika, Sekolah Jenis Kebangsaan (SJK) China, mayuh ari sekula nya nyengkaum ba sitak aku empu di Dalat, penyampau nembiak sekula tau dikumbai Sekula ke Kurang Nembiak (SKM) laban penyampau nembiak kurang ari 150 iku,” ku iya.
Iya bejaku munyi nya lebuh dikerandau pemberita sepengudah bejadika Kos Pengajar Permata Menua Siri 2 Tahun 2012 ditu, kemari.
Iya nambah, enti sema penyampau nembiak sekula ba sekula nya enda mayuh, sigi nadai kelas digaga agi.
“Atur ke manah iya nya besaum enggau sekula bukai ngambika nyamai meri bantu sereta ngemanahka agi perengka guna ba sekula nya,” ku iya.
Iya madah, apai indai ke diau ba menua nya bisi pilih ati enti sida iya deka nganjung anak sida iya ngagai sekula nya tauka enda.
“Kami enda ulih mejal sida iya. Apai indai bisi pilih nganjung anak sida iya ngagai ni bagi sekula ti ku ati,” ku iya.
Sebedau tu, kepala pengajar sekula nya madahka sigi bisi penanggul ditapi lebuh nembiak sekula taun satu masuk ngagai sekula ketegal sekula nya di seberai sungai.
Sekula nya semina ulih dilawa nengah ai.
