TAWAU: Toinsanan buruan ngawi om puru pikoruhangan Barisan Nasional (BN) pinosorou tuh kadaa paraato parti porinta dino sokiro ko iyolo au opili sabaagi calon BN id Pomilian Tagayo Pogun ko-13 (PRU-13) ih pohoroon do soira-ira timpu nopo.
Monunurat Tagayo Umno, Datu Seri Tengku Adnan Tengku Mansor minoboros do potitikid buruan om puru BN mositi kopuriman do sundung pia au opili sabaagi calon iyolo toririmo lumansan parti BN om rayat.
“Nung haro tokuudi topurimanan au asanang ginawo, pokionuon tokou tuh papaharo do pogibabarasan id suang parti,” ka dau mikuo pinoposorou do tinimungan kopomuruanan parti pikoruhangan dino mooi do au maganu laang miampai ‘tumanud ginawo’.
Noboros di Adnan ahal dino ontok minanahak boboroson id ababayan Taklimat Unit Gerakan Jentera PRU boogian Kalabakan id tiyonon Luguan Boogian Umno Kalabakan, Datuk Seri Panglima Abdul Ghapur Salleh hiti di tadau Minggu.
Minongomi kokomoi ponguhatan magaganu abar kokomoi timpu PRU-13 nopo nga, isio minomisunud noopo do BN haro timpu gisom toun 2013, nga idsuang timpu ih iso’i au nogi disio olimon do pomilian obuli pohoroon idsuang timpu tosomok diti.
“Potontuon tokou do puru ngawi BN au momonsoi ‘onar’ sokiro ko au opili. Haro timpu tokou gisom 2013. Om andadon tokou nopo. Obuli tokou momolohou ontok soira-ira timpu nopo. Suab nga obuli. Nga, montok timpu diti nogi kakaal ogumu ababayan ngawi rayat ih mositi do salasayon tokou.
“Nokuro tuh minog tokou do miarau-arau? ogumu poh projek ngawi porinta di au poh nasalasai. Nung toinsanan nasalasai noh om orikot timpu di kangaam, om momoloho tokou nogi. Mositi potontuon tokou onu ih minog kopio do pokisodiaan rayat,” ka dau.
Kokomoi laang tosonong Umno Boogian Kalabakan minonuridong do Unit Injin Pomilian (UJPR) ih kumoiso id Sabah nga, narayou disio laang dino om mokianu tuh boogian ngawi suai id pogun diti maganu koinsamakan miagal dilo.
“Idsuang timpu iso’i, koilo tokou boogian gugumaga manahak pongintangan tolu pogun kaampai Sabah montok paparayat do ponombirangan diolo suai ko Johor om Sarawak. Mantad dino, pokionuon tokou toinsanan boogian Umno om pikoruhangan BN tuh popogirot do injin sompori-pori.
Nokotindapou nogi id ramai dino nga ih Luguan Kopoilaan Piromutan Umno Pogun, Datuk Sapawi Ahmad, Luguan Umno Tawau, Datuk Tawfiq DSP Abu Bakar Titingan om Kumoduwo Ponorikohon Umno Kalabakan, Abdul Muis Picho.
Nokotindapou nogi ih Luguan Koonduan Umno Kalabakan, Datuk Hamisa Samat, Puru Lamin Koundangan Pogun Kunak, Datuk Nilwan Kabang, Luguan Komulakan Umno Kalabakan, Mohd Gasing Saling om Luguan Komulakan Umno Tawau, Ariffin Kassim.
Monunurat Tagayo Umno, Datu Seri Tengku Adnan Tengku Mansor minoboros do potitikid buruan om puru BN mositi kopuriman do sundung pia au opili sabaagi calon iyolo toririmo lumansan parti BN om rayat.
“Nung haro tokuudi topurimanan au asanang ginawo, pokionuon tokou tuh papaharo do pogibabarasan id suang parti,” ka dau mikuo pinoposorou do tinimungan kopomuruanan parti pikoruhangan dino mooi do au maganu laang miampai ‘tumanud ginawo’.
Noboros di Adnan ahal dino ontok minanahak boboroson id ababayan Taklimat Unit Gerakan Jentera PRU boogian Kalabakan id tiyonon Luguan Boogian Umno Kalabakan, Datuk Seri Panglima Abdul Ghapur Salleh hiti di tadau Minggu.
Minongomi kokomoi ponguhatan magaganu abar kokomoi timpu PRU-13 nopo nga, isio minomisunud noopo do BN haro timpu gisom toun 2013, nga idsuang timpu ih iso’i au nogi disio olimon do pomilian obuli pohoroon idsuang timpu tosomok diti.
“Potontuon tokou do puru ngawi BN au momonsoi ‘onar’ sokiro ko au opili. Haro timpu tokou gisom 2013. Om andadon tokou nopo. Obuli tokou momolohou ontok soira-ira timpu nopo. Suab nga obuli. Nga, montok timpu diti nogi kakaal ogumu ababayan ngawi rayat ih mositi do salasayon tokou.
“Nokuro tuh minog tokou do miarau-arau? ogumu poh projek ngawi porinta di au poh nasalasai. Nung toinsanan nasalasai noh om orikot timpu di kangaam, om momoloho tokou nogi. Mositi potontuon tokou onu ih minog kopio do pokisodiaan rayat,” ka dau.
Kokomoi laang tosonong Umno Boogian Kalabakan minonuridong do Unit Injin Pomilian (UJPR) ih kumoiso id Sabah nga, narayou disio laang dino om mokianu tuh boogian ngawi suai id pogun diti maganu koinsamakan miagal dilo.
“Idsuang timpu iso’i, koilo tokou boogian gugumaga manahak pongintangan tolu pogun kaampai Sabah montok paparayat do ponombirangan diolo suai ko Johor om Sarawak. Mantad dino, pokionuon tokou toinsanan boogian Umno om pikoruhangan BN tuh popogirot do injin sompori-pori.
Nokotindapou nogi id ramai dino nga ih Luguan Kopoilaan Piromutan Umno Pogun, Datuk Sapawi Ahmad, Luguan Umno Tawau, Datuk Tawfiq DSP Abu Bakar Titingan om Kumoduwo Ponorikohon Umno Kalabakan, Abdul Muis Picho.
Nokotindapou nogi ih Luguan Koonduan Umno Kalabakan, Datuk Hamisa Samat, Puru Lamin Koundangan Pogun Kunak, Datuk Nilwan Kabang, Luguan Komulakan Umno Kalabakan, Mohd Gasing Saling om Luguan Komulakan Umno Tawau, Ariffin Kassim.
