LISIN papanau korita ‘automatik’ okitanan kapanahak do kounalan kumaa tinimungan ‘hawa’. Kogumuan diolo, tondu ih ponokibarasai do monunurat abar diti (ih Clarice Usop om ih Connie Pearl) kosokodung Kurikulum Kawawagu Balajaran Papanau dino nokomoi, ih nonggo komoyon do laang di topintar.
Maya kopomogunaan kararalanon kawawagu dino nokomoi, ih papanau nakapaas nopo kalapas poniisan momoguno do korita ‘manual’ pabanaron do papanau goduwo-duwo kawo korita, ‘automatik’ nangku toiko ‘manual’.
Koponimbanan nokomoi kurikulum diti kapaamung do poniisan momoguno do korita ‘automatik’ sabaagiiso pilion. Ino lumansan kumaa susumikul montok momili, tiison iyolo miampai momoguno do korita ‘automatik’ toiko ‘manual’.
Poingkuro poh nga, iyolo ih tiison korita ‘manual’, obuli papanau ‘manual’ toiko ‘auto’. Nga, montok diolo ih tiniis miampai korita ‘auto’, poingigit lisin ih obuli papanau miampai momoguno do korita dino nokomoi.
Songulun nakasawo, Ailing Ling, minomisunud, osonong kopio pangaramitan disio om kosokodung poimponu kopomogunaan kurikulum kapamanaan dino.
Tumanud dau, kopomogunaan dino lobi kapasanang do tinimungan tondu montok papanau korita. Kopomogunaan papanau korita ‘auto’ di lobi asanang piagalon ‘manual’ kaanu manahak do kolobian kumaa tondu montok balajar papanau korita.
“Suai ko asanang balajaran, iti popomilo do tinimungan tondu lobi tumounda tosongulunan montok mongoi id nonggo noopo. Mantad dino, au nodi umarap kopio kumaa sawo sokiro ko haro ahal kiguno.
“Ralan papanau korita ‘auto’ lobi asanang mantad ‘manual’. Sokiro ko ‘manual’ ogumu ih mositi balajaron miagal monukar gear tikid timpu pindalanan om papaandang do tumau om ‘klas’,” ka dau.
Kawagu dau, montok tondu ih wagu poh balajar papanau momoguno do korita ‘manual’ asaru iyolo orosian om oborulong soira korita ih papanaon koundorong id tanga ralan toiko talun alun tagayo. Maya kopomogunaan kurikulum kawawagu diti, ino tantu kaanu manahak kosiwatan kumaa tinimungan tondu.
Pinosorou nogi Ailing, sundung pia onuan kounalan miagal diti, potitikid papanau mositi do miingat-ingat ontok papanau korita id talun alun. Iti montok koumoligan tinan om momomoguno talun alun suai.
Namot dino, montok tondu ih nosusu mantad Beluran, Ersie C.A., 26, kosokodung nogi sabap ontok timpu diti, ogumu noh korita ‘auto’ id kapadagangan. Iti kapanahak do mogisusuai pilion kumaa tulun ginumuan.
Ka dau, sundung pia korita ;auto’ nopo nga lobi asanang do papanau, nga lobi osonong om aadil sokiro ko lisin papanau korita ‘auto’ onuan pokimamaan kumaa papanau ih kigaab momoguno do korita kawo dino.
Montok songulun susumikul Universiti Malaysia Sabah (UMS), Wendy Medi, miampai pomogunaan lisin ‘automatik’ dino kapanahak dati do asil poimponu kumaa tinimungan di au osongkuro karati miampai poingkuro momoguno korita ‘manual’ doulu noh montok koonduan.
“Tinimungan tondu ih kiumur om nakasawo lobi katama dati papanau korita ‘automatik’ sabap ino nopo nga lobi asanang om olumaag doulu noh ontok papanau miampai koyuoyuon ralan di ogumu korita.
“Miampai dino nogi, obuli iyolo papanau sondiri miampai au umarap kopio do kusai doulu noh ontok kusai toiko sawo aiso id walai,” ka dau.
Tumanud dau, miampai kopomogunaan sistom dino lobi ogumu ih haro kosiwatan montok kapaganu do lisin papanau miampai au tumongob papanau korita ‘manual’
Om montok Graduan Universiti Malaysia Sarawak (Unimas), Leona Devera Raimon, 24, kipomusarahan do miampai haro nopo lisin ‘automatik’, lobi asanang om kotumboyo dati do kapamanaan.
Ka dau, kosokodung nogi isio do ‘sistom’ dino sabap papasanang do toinsanan tinan di osusa papanau korita ‘manual’.
“Pogului diti ogumu ih sansagan maganu lisin ‘manual’ katapi au kaanu papanau korita miampai tososonong om kotutukon dino ogumu ih momili papanau korita ‘auto’ kalapas kaanu lisin,” ka dau.
Mantad dino, kawagu dau tantu do lobi osonong sokiro ko haro ‘sistom’ kapamanaan momoguno do ‘transmisi automatik’ diti rulanon miampai tosisikap.
Maya kopomogunaan kararalanon kawawagu dino nokomoi, ih papanau nakapaas nopo kalapas poniisan momoguno do korita ‘manual’ pabanaron do papanau goduwo-duwo kawo korita, ‘automatik’ nangku toiko ‘manual’.
Koponimbanan nokomoi kurikulum diti kapaamung do poniisan momoguno do korita ‘automatik’ sabaagiiso pilion. Ino lumansan kumaa susumikul montok momili, tiison iyolo miampai momoguno do korita ‘automatik’ toiko ‘manual’.
Poingkuro poh nga, iyolo ih tiison korita ‘manual’, obuli papanau ‘manual’ toiko ‘auto’. Nga, montok diolo ih tiniis miampai korita ‘auto’, poingigit lisin ih obuli papanau miampai momoguno do korita dino nokomoi.
Songulun nakasawo, Ailing Ling, minomisunud, osonong kopio pangaramitan disio om kosokodung poimponu kopomogunaan kurikulum kapamanaan dino.
Tumanud dau, kopomogunaan dino lobi kapasanang do tinimungan tondu montok papanau korita. Kopomogunaan papanau korita ‘auto’ di lobi asanang piagalon ‘manual’ kaanu manahak do kolobian kumaa tondu montok balajar papanau korita.
“Suai ko asanang balajaran, iti popomilo do tinimungan tondu lobi tumounda tosongulunan montok mongoi id nonggo noopo. Mantad dino, au nodi umarap kopio kumaa sawo sokiro ko haro ahal kiguno.
“Ralan papanau korita ‘auto’ lobi asanang mantad ‘manual’. Sokiro ko ‘manual’ ogumu ih mositi balajaron miagal monukar gear tikid timpu pindalanan om papaandang do tumau om ‘klas’,” ka dau.
Kawagu dau, montok tondu ih wagu poh balajar papanau momoguno do korita ‘manual’ asaru iyolo orosian om oborulong soira korita ih papanaon koundorong id tanga ralan toiko talun alun tagayo. Maya kopomogunaan kurikulum kawawagu diti, ino tantu kaanu manahak kosiwatan kumaa tinimungan tondu.
Pinosorou nogi Ailing, sundung pia onuan kounalan miagal diti, potitikid papanau mositi do miingat-ingat ontok papanau korita id talun alun. Iti montok koumoligan tinan om momomoguno talun alun suai.
Namot dino, montok tondu ih nosusu mantad Beluran, Ersie C.A., 26, kosokodung nogi sabap ontok timpu diti, ogumu noh korita ‘auto’ id kapadagangan. Iti kapanahak do mogisusuai pilion kumaa tulun ginumuan.
Ka dau, sundung pia korita ;auto’ nopo nga lobi asanang do papanau, nga lobi osonong om aadil sokiro ko lisin papanau korita ‘auto’ onuan pokimamaan kumaa papanau ih kigaab momoguno do korita kawo dino.
Montok songulun susumikul Universiti Malaysia Sabah (UMS), Wendy Medi, miampai pomogunaan lisin ‘automatik’ dino kapanahak dati do asil poimponu kumaa tinimungan di au osongkuro karati miampai poingkuro momoguno korita ‘manual’ doulu noh montok koonduan.
“Tinimungan tondu ih kiumur om nakasawo lobi katama dati papanau korita ‘automatik’ sabap ino nopo nga lobi asanang om olumaag doulu noh ontok papanau miampai koyuoyuon ralan di ogumu korita.
“Miampai dino nogi, obuli iyolo papanau sondiri miampai au umarap kopio do kusai doulu noh ontok kusai toiko sawo aiso id walai,” ka dau.
Tumanud dau, miampai kopomogunaan sistom dino lobi ogumu ih haro kosiwatan montok kapaganu do lisin papanau miampai au tumongob papanau korita ‘manual’
Om montok Graduan Universiti Malaysia Sarawak (Unimas), Leona Devera Raimon, 24, kipomusarahan do miampai haro nopo lisin ‘automatik’, lobi asanang om kotumboyo dati do kapamanaan.
Ka dau, kosokodung nogi isio do ‘sistom’ dino sabap papasanang do toinsanan tinan di osusa papanau korita ‘manual’.
“Pogului diti ogumu ih sansagan maganu lisin ‘manual’ katapi au kaanu papanau korita miampai tososonong om kotutukon dino ogumu ih momili papanau korita ‘auto’ kalapas kaanu lisin,” ka dau.
Mantad dino, kawagu dau tantu do lobi osonong sokiro ko haro ‘sistom’ kapamanaan momoguno do ‘transmisi automatik’ diti rulanon miampai tosisikap.
